تابع أحلى قصة حب ف الإمارات

4


يوم بندت موزة السماعة تمت تصيح تذكر يو كانت تطلع
ويا الريااال الاولي شو كان يستوي فيها وشو شاف
تم سعيد يتصل لكن هي ما ترد عليه ابدا وكل ما يرن التيلفون
ترفع السماعة وترد تسكرها.. اصر سعيد انه يعرف سبب موقفها المفاجيء..
وفي اليوم الثاني كان سعيد ضارب خط من بوظبي لين السارجة
وكان وااااااااااايد حيران من موقفها ..
سار عدال بيتهم ويد قق هرنااات ..
موزة طلعت كالعادة تفتح الباب انصدمت يوم شاف سعيد عند الباب

قال سعيد في خاطر وينك يا احلى ملاك.. غبت والضحكة معاك ..
اصعب ايامي وداعك .. واحلى ايامي لقاك

سعيد : انا مب راعي مشاكل لكني متهور لدرجة انج
لو ماسرتي ويلستي عدال التيلفون بدخل البيت ونا اعرف اخواج كلهم في البيت
وباخذ عباتج وشيلتج واطوفين جدامي ..
موزة كانت وااايد زايغة من سالم وكانت تسمع ضجيج في البيت فحاولت تنقذ الموقف
موزة: الحين انته روح وانا والله بترياك
سعيد: ترييني.. وابيج تتأكدين ان اخوانج ما يسمعونج...
بااااااااي حبيبتي
يقول سعيد في خاطرة( لو الحياه والخوف والثالثة الموت
لأصيح بالصوت مشتاقلج موووووت
دشت موزة البيت وهي مب مستوعبة شو اللي استوى **راها اخوها سالم

وهي تقول في قلبها: من حبي لك وجنوني ..

نسيت كيف اطبق جفوني على قلبي ولا على عيوني؟!! )
سالم: منو كان عند الباب؟
موزة: ها ها لا هذا راعي الكهربا مغلط في البيت..
سالم: موزوووووووه .. راعي كهربا ولا.......... حد ثاني؟
موزة: سالم اذا انته فايج تراني انا مب متفيجة يالله بسير الحجرة وراااي واجبات.
سالم: هالله هالله ومن متى تهتمين بدراستج
موزة:ى لا لا تراك صدق فايج وتبي تسوي مشاكل
ما صدقت موزة تفتك من اخوها لان مرته **رته وسارت
تركض الحجرة وكان التيلفون يرن.. اترددت موزة قبل ما تشل السماعة
لكن حست انه صدق يستحق انها تقوله عن السبب اللي خلاها تعامله جذي.
سعيد: الووو
موزة: الووووو
سعيد: هلا والله بهالصوت خلاص قررت اطير الكناري اللي في بيتنا
لان صوتج احلى من الكناري ..
لكن اسمعي
اريد اعرف سبب معاملتج لي بعد ما طلبت شوفج..
موزة تمت تصيح وتصيح) بصراحة في البداية كنت اتحراك واحد يبي يلعب
لكن مع مرور الايام عرفتك عدل وحسيت انك صادق في مشاعرك وخاصة بعد ما مر سنه من تعارفنا . واللي ابغيك تعرفه اني مب مترددة الحين اني اخبرك..
سعيد:والله انتي حياتي.. شو اللي تبين تقولينه
لان اذا كانت حبيبتي في ورطة انا بجن ..

يقول في خاطرة حبيبتي وحيات قلبج وعينج..
مالي سواسج انتي أبد حب ثاني

موزة: لكن على التيلفون ماينفع واني اشوفك مستحيل..
لاني الي ابي اقولك اياه كله يتعلق في الطلعه افهم موقفي الله يخليك..

5

سعيد: حبيبتي اسمعيني زين..
أنا تهمني مصلحتج واذا كنتي خايفة مني حتى بعد مامرت مدة طويلة
من تعارفنا ألج حق اتخافين لأن شباب هالأيام ما ينوثق فيهم بس في نفس الوقت يهمني
اعرف من أيش أني خايفة ..( موازي)
ماعندج حد توثقين منه يكون شاهد وحاضر يوم بنتلاقا علشان
تحسين بأمان ونكون في السليم؟؟؟
موزة: أأأأأأأأأأأأأأ.. أظنك تعرف أختي الي ساكنة في المرقبات ..
هي تعرف بالسالفة وما بتقول لا لو قلتلها أن نحنا بنتقابل عندها في الشقة..
شو رايك الخميس الياي عشان نسيبي ما بيكون موجود..
سعيد: أنتي واثقة من أختج؟!!!
موزة: من هالناحي أطمن أختي تحبني وتحبك مثل أخوها وتتمنى من الله أنه يجمع شملنا...

وتقول موزة في خاطرها
آه لو تدري بغلاك وسط قلبي هواك..
ما أبي تمر دقيقة ألى واقضيها وياك

سعيد: اوكي حبيبتي الوالد يناديني ..
والله ما ودي اتركج..
بس ابيج تهتمين بدراستج وااايد وتتحملين على نفسج .
موزة: ان شاء الله
مرت الايام وياا يوم الخميس.. موزة سارت بيت اختها في المرقبات
وبعد ساعة من وصولها.. وصل سعيد عليا فتحت الباب وسلموا على بعض
وتعرفو و**رت موزة.. موزة ترددت وااايد قبل ما تدخل الميلس وفي النهاية دخلت ..
سعيد: شفتك وضاع الكلام ضيعت حتى الغزل اعذرني والله جمالك ما خلا فيني عقل!!!!
موزة: السلام عليكم؟!!
سعيد:وش هالذي عيني تشوفة ..
وجة البدر أو مطلع الشمس..
الله يا محلى وصوفه.. من حسن هذا ببصم بخمس..
وعليكم السلام والرحمة لأحلى ر** في هالدنيااا
موزة: اشحالك؟
سعيد: ياااااااااااااااا ولد ... بخير وسهاله
موزة: دوم ان شاء الله
سعيد: حبيبي.. قوللي اللي في خاطرج أحسج ميودة كلام واااااايد
موزة: ( تصيح) وااااايد
سعيد: لالا حبيبي مايليق عليج الزعل الورد جذي يذبل
موزة: انا كنت احب واحد متزوج عنده ولد ومطلق حرمته وكنت احبه حب ما اقدر اوصفلك اياه بس النذل والحقير كان يالس يلعب علي و تمت موزه تقول قصتها لسعيد

سعيد( عيونة مليانة دموع )
لا حبيبتي كل هذا يستوي وأنا ما أدري والله
لو شفته بضربة ضرب وبغسل شراعة.
موزة: حتى انااا
سعيد: موزة انا واحد والله ساتر علي أنا قلبي ابيض
لايمكن افكرفي يوم بهذي الاشياء اللي تقولين عنها.. لأني أنا مش شرات الشباب ..
أنا شاب اهلي ربوني احسن تربية . ومستحيل في يوم من الايام امس
شعرة من شعرج ألين الله يجمع شملنا..
موزة ابتسمت ابتسامة رضى...............
موزة: يعني انا الحين ارقد وانا مرتاحة؟!!!!
سعيد: وما ابيج تفكرين بهذي ال***بيط مرة ثانية .
موزة: تم يا سعيد
سعيد: هذي التم اباها فعل مش قول
قام سعيد عشان يروح بوظبي
موزة: ترجع باسلامة انشاء الله
طلع سعيد من الشقة.. طارت موزة من الفرحة ما تعرف
وين تودي بعمرها جنت البنت وقالت ( والله اني احبك )
6

يا دنيا ضيعينا توهينا عاندينا
بس تكفين أنا و( سعيد ) لاتفرقينا …


مرت الايام وموزة وسعيد علاقتهم تكبير وحبهم يكبر وياهم ..
لكن نادر ما تلقون قصة حب تستمر لأن اهل سعيد
مكانتهم العالية ما تسمح إن ولدهم يكتفي بالدراسة في البلاد..
قرروا يطرشونه بريطانيا يدرس هناك..
يوم سمع سعيد بالخبر سار عند أهله وحب يتأكد
سعيد:أمي صدق الكلام أللي سمعته؟؟؟
أم سعيد:شو سمعت؟؟
سعيد:أني بدرس في بريطانيا
أم سعيد:هيه صدق عشان تمسك شركات أبوك..
ولا تبى تمسكهن بالثانويه العامه اللي لاتودي ولا تيب هاي مليارات هب مصخره
سعيد:ذليتونا بهالملايين والمليارات مالكم كله فلوس فلوس كم
ما تسوى لحظه اقضيها بين بوظبي والشارجه
أم سعيد:وشمعنا الشارجة؟؟!!!!
سعيد:بصراحه مدام وصلة السالفه لهني أنا لازم
اخبرج أني ناوي اطلب وحده عايبتني من الشارجه
أم سعيد: (بسخرية) شو رصيدهم في البنك؟!!
سعيد:اميه رصيدهم انهم ناس طبيبن وقلوبهم صافيه
أم سعيد: لا صافي ولا هامو أنته لبنت اختي وبس
سعيد:قولي انج ما تبن البيزات تتطلع برع اعرفكم كله تحسبونها بالارقام كل حياتكم
فلوس وفلوس ما فكرتوا بمستقبل ولدكم أنا شو بسوي بالبيزات ..
البيزات عمرها ما بنت سعاده

مرت الايام وسافر سعيد غصبا عنه لكن ما قطع حبيبة قلبه ابد..
لكن درب الحب ما يخلى من اشواك العذال ..
ادخلت بنت عم موزه اللي كانت تكرها وتتغايض من قصة حب موزة وسعيد..
اتصلت في سعيد وقالتله انه هذي موزة إللي اتحبها ومستعد
انك اتبيع الناس عشانها هي باعتك واستغلت فرصة سفرك وقضت وقتها مع اخوي حميد ..
اتخبل سعيد وبأسرع وقت اتصل بموزه وما عطاها مجال اتفسر موقفها ومن كثر ما كان منفعل ومب مصدق اللي استوي اغمى عليه وهو يكلمها
ومن بعدها ما قام يرد على مكالمات موزه أو كل ما تتصل يخلي
ربعه يقولون سعيد مات ولا تتطصلين مره ثانيه
موزه مب مستوعبه شو اللي استوى شو هالسالفه؟؟؟
اللي أول مره تمعها ومنو هذي الحقيرة اللي خربت عليها وعلى اغلى انسان في حياتها
من بعد ما تعبت ولقته هل معقول انه حبهم
كان بالنسبه لسعيد ضياع وقت مع وحده متأكد انها ما تقدر اتسوي شيء
لأنه كل اسرارها في ديه الظاهر انها غلطاااااااانه
وايد يوم سمحت حق نفسها انها تحب واحب عقب كل المصايب اللي استوت لها
صدق اللي قال ان الشباب مالهم امان
( طبعا مب كلهم )
وصلتله رساله من امه إللي تقوله..
سو احسابك في الاسبوعين اللي بعطونك فيهم اجازه بنخطبلك بنت خالتك..
في البداية فكر بموزة لكن يوم اتذكر السالفه قال:
هاي ما منها فايدة واحسن شيء اسويه اني اتزوج واستقر احسن من
ما اركض وراء وحده بياعت كلام..
لكن موزه اذته من كثر ما تتصل واكثر شيء يوم عرفت انه
وصل البلاد حتى انه قام ينحرج من كثر اتصالاتها وخاصه يوم يكون مع خطيبته
قرر في مره يوم كانت خطيبته بيده عنه انه يرد على موزه ويوقفها عند حدها

سعيد: الوو نعم اش تبين ؟؟
مب كافي اللي سويتيه فيني والله العظيم
حرام عالتج احس معامله وخليتج فوق راسي لكن الشره موعليج الشره على الللي
عطاج سالفه ويلحقج لين ما خليتني ادخلج في قلبي بدون ما دقين بابه
اسمعي يا بنت الناس زمان اول ولى وياني وياج ادق اصابعج على رقمي
واقول قبل ما اسكر عندي لج خبر من زمان كنت تترينه انا خطبت
بنت خالتي وانا معاها الحين وان شاء الله بعزمج انتي واهلج على عرسي
موزه:عطني فرصة اقول الللي عندي
يقاطعهاااااااااااااااا
7

سعيد:لا فرصة ولا شيء وما ابي انكد مزاجي لأني طالع ويا خطيبتي
( ويبند على ويهاااااااا )


اسودت الدنياااااا جدام موزة وعيونها مليانة دموع وبالها
يودي وييب فكرت وتمت اتفسر سالفتها الف تفسير لكنها في النهاية لقت انها
خسرت اغلى حب في حياتها فليش تكمل مشوار حياتها
بدون انسان يبادلها مشاعرها فأريح شيء لها هو الانتحار
سارت موزه المطبخ يابت احد سكين عندهم وتصلت في سعيد
لقته حاط على البريد الصوتي ونتهزت الفرصة وقال كل اللي في خاطرها ولأخر مره

حبيبي سعيد
( وهي تصيح )

بودعكم ياأحبابي غصب ولا أنا مابي
عساكم تذكرو حبي ولا تنسوني بغيابي
هاي أخر مره تسمع فيها صوتي لكن الشي أللي ابغيك تعرفه اني انا عمري
ما خنتك وتذكر عدل يوم قتلي اوعديني انج ما تخونني وأنا الين هذي اللحظة أنا عمري
ما سمحت لنفسي اني اخونك لكن الله يسامح اللي قالك :
هذي السالفة اللي عمري ما سمعت فيها لكن ما اتوقعت ان حبي
كان مجرد كلام تافه بيني وبينك حتى الياهل يوم يقولوله اي شيء يسير ويتأكد
لي شفت دمعي جرى لا تظنه على شانك صحيح اني ابكي بس ابكي على قلب ما خانك
سعيد مثل انته ما فارقت قلب حباك الحين حبيبك بيفارك الدنيا كلها على شانك
ويعديك اخر دليل على قلب عمره ما خانك واسمحلي اطرشلك
كم مسج في انفاسي الاخيره
واتمنى قبل ما تعرس وبعد موتي انك ادور على الحقيقة والناس اللي
فرقون بيني وبينك قبل لا يفرقونك انته وحرمتك..

وصية محب:

اذا مت اغسلني بدموعك..

وكفني بجفونك..

ودفني بعيونك
ماني من اللي ينسى عشرتك ويروح

لكني من اللي يغرسك بين الحشا والروح
--------------------
حبك بقلبي مثل وشم على كف

يموت راعي الكف والوشم موجود
وقت جنازتي أبي اول الحضور انت

واذا غطاني التراب ابي اخر من يمشي انت
-------------------
بندت التلفون وقالت والله العظيم احبك وطعنت قلبا طعنتين وعقبها مااااااتت
يوم سعيد رد البيت سمعت البريد الصوتي وشاف المسجات
وما قدرت اريوله اتشلة قام بسرعة على السيارة وسار الشارجة بسرعة 240
وهو يصيح ويفكر ويلوم نفسة هو اللي ضيع حبه بديه يالله كم
كان اناني ما فكر يسألها عن صحة الكلام
دش بيتهم بدون ما يدق الجرس والكل يقول منو هذا ؟؟؟
يمكن واحد مينون ويقول وهو دموعه في عينه وين حجرة
موزه محد يرد عليه والكل مستغرب قام يفنح الابواب كلها إلاباب ما طاع يفتح معاه **ره ودش وشاف موزه طايحه على الارض
والدم في كل مكان وكان مكتوب على الجدار بالدم سعيد احبك وصرخ بصوت عااااااااااااااالي
تم يصيح وشاف نتيجة تهوره
وكانت نهاية سعيد الشلل بسبب الحزن ووعذاب الضمير..[center]

يسلمو ع الموضوع الروعه

ونتريه يديدج دوم

يسلموووووووووو